Agenda
Artículos y Documentos
Federación Foros por la Memoria
Noticias
Videos de Memoria Histórica
Home » Noticias

Centenas de galegas e galegos homenageiam Moncho Reboiras 35 anos depois

Diário Liberdade / Kaos Galiza | 8-8-2010 | 9 agosto 2010

Jovem dirigente comunista e independentista galego morto pola polícia franquista em 1975

 

Convocadas pola Comissom 35 Aniversário, várias centenas de pessoas ajuntárom-se em torno do lugar onde repousam os restos do jovem dirigente comunista e independentista galego, morto em combate a tiros pola polícia franquista em 1975.

Para a ocasiom, um colectivo de velhos militantes nacionalistas galegos, incluído o irmao de José Ramom Reboiras Noia, Manuel Reboiras, organizárom umha homenagem popular que incluiu discursos, poemas e música.

Foi no cemitério de Imo, onde também foi descoberta umha placa comemorativa no túmulo de Reboiras. O acto patriótico juntou várias centenas de pessoas, às quais se dirigiu o poeta e professor Anxo Angueira, pronunciando um discurso com tintes poéticos em lembrança do jovem militante assassinado pola polícia em Ferrol, quando só tinha 25 anos.

Além de Angueira, tomárom a palavra a actriz Uxia Blanco, que leu o manifesto da Comissom convocante, e mais dous poetas: Dario Xohán Cabana e Xosé Luís Mendes Ferrim, que recitárom emocionados poemas dedicados a Reboiras.

Na parte musical, Pilocha cantou umha bela ‘Nana a Moncho’ e Xosé Taboada interpretou a ‘Negra Sombra’. Finalmente, as bandeiras vermelhas, fundidas com as da Galiza, servírom de fundo visual ao canto colectivo do Hino Nacional da Galiza, com que finalizou o acto central.

O acto continuou na Cruz do Avelám, a poucos metros do cemitério, com mais música numha calorenta tarde de Agosto para a lembrança.

Entre as centenas de participantes, estivérom presentes representantes da várias correntes do nacionalismo e do independentismo galego de esquerda, numha rara ocasiom para a confluência das mais diversas ‘famílias’ do movimento patriótico galego.

Oferecemos a seguir umha pequena mostra fotográfica do evento.

http://www.diarioliberdade.org

http://www.kaosenlared.net/noticia/centenas-galegas-galegos-homenageiam-moncho-reboiras-35-anos-depois