Agenda
Artículos y Documentos
Federación Foros por la Memoria
Noticias
Videos de Memoria Histórica
Home » Noticias

O Tribunal Superior de Xustiza de Galicia (TSXG) desestima o recurso interposto pola Asociación Deportiva y Cultural de Veteranos de la Legión

Comisión pola Recuperación da Memória Histórica da Coruña, | 30 mayo 2012

Retírale todos os honores a Millán Astray entre eles o de “Fillo Predilecto” da Coruña

 

 

30 May 2012

NOTA DE PRENSA: O TRIBUNAL SUPERIOR DE XUSTIZA DE GALICIA DESESTIMA O RECURSO INTERPOSTO POLA “Asociación Deportiva y Cultural de Veteranos de la Legión” E RETÍRALLE TODOS OS HONORES A MILLÁN ASTRAY, ENTRE ELES O DE “Fillo Predicto” DA CORUÑA

COMISIÓN POLA RECUPERACIÓN DA MEMORIA HISTÓRICA DA CORUÑA

 

A Comisión pola Recuperación da Memória Histórica da Coruña felicítase pola retirada da distinción como “Fillo Predilecto” da Coruña a Millán Astray por parte do Tribunal Superior de Xustiza de Galicia, seguindo por parte de éste razonamentos tamén usados pola CRMH, cando interpuxera un recurso contra a decisión do goberno municipal dirixido polo alcalde Carlos Negreira –usando unha evidentísima postura política, de non facer nada diante da presentación do devandito recurso da “Asociación Deportiva y Cultural de Veteranos de la Legión”.

A Comisión Constitucional do Congreso dos Deputados de 20 de decembro de 2002, coincidindo co aniversario da morte do ditador, denunciaba a utilización da violencia  para impor as súas conviccións políticas e establecer réximes totalitarios.

Manter hoxe na Coruña a distinción honorífica de “Fillo Predilecto” a Millán-Astray sería unha auténtica indecencia, unha indignidade, unha humillación, un oprobio e un insulto á cidadanía –especialmente ás familias dos represaliados- que non pode permitir unha sociedade democrática.

As distincións honoríficas, os monumentos, os nomes das rúas, deben servir para recoñecer o mérito dalgunha persoa, exhaltar principios ou valores, é decir, un exemplo para toda a cidadanía.

O propio Regulamento municipal para a concesión de honores e distincións, no seu artigo 17, sinala que o título de “Fillo Predilecto” só poderá recaer en persoas que “polas súas destacadas cualidades persoais ou méritos sinalados e singularmente polos seus servizos en beneficio, mellora ou honor da Coruña, alcanzaran o prestixio e consideración xeral”.

Estes son os méritos de José Millán-Astray y Terreros: participa activamente na preparación da sublevación militar de 1936, na represión do franquismo, ocupando importantes responsabilidades na ditadura, como Xefe de Radio, Prensa e Propaganda -ensalzando a figura de Franco como caudillo e salvador invencible da patria- e procurador en Cortes, por designación directa do ditador.

Cando Millán-Astray regresa en 1938 dunha viaxe a Italia, afirma: “España pronto tendrá una merecida victoria fascista. Fascismo, nacional-socialismo y falangismo son en el fondo la misma cosa”. Era un fascista convencido que, segundo o historiador Paul Preston, contribuíu ao ideario da extrema dereita española.

Unha persoa que proclama “Mueran los intelectuales”, “Viva la muerte” non é un exemplo para ninguén. Pasará, xa que logo, á historia como un fascista e un golpista, que non ten méritos, nin prestixio, nin consideración social para ser recoñecido como “Fillo Predilecto” da Coruña, tal e como esixe o citado Regulamento.

Estabamos a dar un espectáculo lamentable, que non tería lugar en ningún país democrático europeo, goberne a dereita ou a esquerda. Haberá en Alemaña algún goberno municipal que se atreva a manter a distinción de fillo predilecto a un colaborador de Hitler e ministro da propaganda como Goebbels?

A sentenza da xuíza do xulgado do Contencioso Administrativo nº 3 fai referencia ao citado Regulamento e sinala que “Non cabe negar al Concello demandado la potestad para dejar sin efecto los honores concedidos”, é dicir, deixa ben claro que estaba nas mans do goberno municipal, facendo emprego das súas competencias, retirar a Millán-Astray a condición de “Fillo Predilecto”, así como a rúa e o monumento. Este foi o procedemento seguido por numerosos concellos, que xa retirararon a simboloxía franquista, incluso antes da aprobación da Lei de Memoria Histórica.

Por outra parte, a sentenza do xulgado do Contencioso Administrativo nº 1 da Coruña -comunicada ao concello o 2 de maio de 2011 e da que non tivo coñecemento a opinión pública ata o 28 de agosto-  sinalaba, refiríndose a Lei da Memoria Histórica, que “no existen dudas” de que o acordo plenario de 7 de setembro de 2009, que retiraba a Millán-Astray a distinción de “Fillo Predilecto”, “es incardinable en dicha ley”.

O tema de fondo é que se necesita vontade política para retirar esa distinción honorífica, deixando ben claro ante a cidadanía que o concello da Coruña vai ter tolerancia cero co franquismo.

Vontade política xamáis amosada polo goberno municipal dirixido por Carlos Negreira, quen sistemáticamente estivo –e aínda está-,  incumprindo  o própio acordo do pleno da corporación municipal de 7 de setembro de 2009, que aprobaba, sen ningún voto en contra,  e en aplicación da Lei da Memoria Histórica, a eliminación de máis de 50 símbolos franquistas, entre eles, 23 rúas da cidade.

Hoxe, por fin, podemos dicir que a razón xurídica expresada polo Tribunal Superor de Xustiza de Galicia, negoulle ao goberno municipal do PP, dirixido polo alcalde Carlos Negreira, tódolos seus argumentos políticos, ao defender, co seu silencio, que unha persoa como Millán Astray, no século XXI, e a 37 anos da morte do ditador Francisco  Franco, aínda tivera a distinción como “Fillo Predilecto da Coruña. Daquela, instamos ao goberno municipal a cumplir cos seus propios acordos, e retire dunha vez xa tódolos símbolos franquistas aínda presentes na nosa cidade, incluídos os nomes de 23 rúas.

Como sempre, agradecendo a vosa atención, recibide un cordial e afectuoso saúdo.

Rubén Afonso Lobato (responsable de comunicación da CRMH da Coruña – 645029338)