Federación Foros por la Memoria
Comunicados y Documentos de la Federación
Noticias
Agenda
Artículos y Documentos
Home » Federación Foros por la Memoria, Noticias

El Fiscal Superior d’Asturies treslladará a Madrid la demanda de reconocencia xurídica a les víctimes del Franquismu

Europa Press, 25-11-2009 | 26 noviembre 2009

Herrero recibió güei a trés miembros de les directives de la Federación Asturiana Memoria y República (FAMYR) y del colectivu ‘Todos los nombres’

 

 

   UVIÉU, 25 de Payares (EUROPA PRESS)

   El Fiscal Superior del Principáu d’Asturies, Gerardo Herrero, comprometió güei llevar al conceyu de fiscales del Estáu que se celebrará’l próximu llunes en Madrid la reivindicación de dellos colectivos asturianos pola memoria histórica de que se reconoza xurídicamente a les víctimes del Franquismu.

   Herrero recibió güei a trés miembros de les directives de la Federación Asturiana Memoria y República (FAMYR) y del colectivu ‘Todos los nombres’ demientres 20 minutos, na sede de la Fiscalía Superior d’Asturies.

   Según informó a Europa Press Juan Cigarría, voceru de Famyr, dambes agrupaciones solicitaron amás la creación d’un xulgáu específicu pa los delitos rellacionaos con estos crimes y ofreciéronse a collaborar coles autoridaes xudiciales, cola aportación de datos sobre fueyos, desapaecíos y neños de la guerra. Volverán a aconceyase pa que’l fiscal-yos esplique la postura de la Fiscalía Xeneral del Estáu.

   Pel momentu, según esplicó, el Gobiernu español «niega los derechos civiles de les víctimes del franquismu», y el delitu de «crimes contra la humanidá» cometíos demientres los 40 años de dictadura», amparándose na Llei d’Amnistía de 1977, según la que los delitos anteriores a esa fecha nun puen xulgase.

   Nesti sen, treslladaron al fiscal que lleis d’amnistía como la española anuláronse en países como Arxentina, Perú y Chile, onde s’aplicaren usando como modelu’l sistema d’impunidá español. De la mesma manera, aportáron-y documentación del Comité de Derechos Humanos de les Naciones Uníes y de la Comisión Interamericana de Derchos Huamnos, na que s’afirma que los crimes contra la humanidá nun tán suxetos a nenguna llende temporal.

   Per otra parte, informaron a Herrero sobre’l desentierru que se ta desarrollando nel conceyu d’Ayer y solicitáron-y la «inmediata actuación xudicial». Siempre según la so información, Herrero manifestó-yos qu’esperará a conocer les actuaciones del xuez competente enantes de pronunciase.

http://www.europapress.es/asturianu/noticia-fiscal-superior-dasturies-treslladara-madrid-demanda-reconocencia-xuridica-les-victimes-franquismu-20091125182703.html